egyptions
@ أهلاً وسهلاً بكم معنا في منتدى ::EGYPTIONS::، يسعدنا ويشرفنا انضمامكم الى المنتدى@

egyptions


 
الرئيسيةاليوميةس .و .جبحـثقائمة الاعضاءالمجموعاتالتسجيلدخول
شاطر | 
 

 nokat masreya 100%

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mohamed sameh



عدد المساهمات: 5
تاريخ التسجيل: 28/02/2010

مُساهمةموضوع: nokat masreya 100%   الثلاثاء مارس 02, 2010 9:57 am

+مسطول يسال مسطول ثاني : متعرفش فين شارع 26 يوليو ؟ رد الثاني مقالولكش سنة كام ؟


+مره واحد ابنه طلع من الأوائل عمل ايه ؟؟؟؟ شفروه

+واحد بلدياتىواقف قدامه خمس شياطين ليه ....؟؟؟ واحد يوسوسله و اربعه يفهموه

+مرة أتنين صحاب راحوا للحلاق واحد حلق والتاني غويشه

+واحد جدته عيانة و رافضه الاكل فسألها تاكلى مهلبية والا اجوزك.. قالت له لأ يابنى المهلبية ناشفة على سنانى

+مرة واحد مسطول بيلعلب كورة اخد الكورة على صدرة طلعها من منخيرة

+مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت

+جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

+فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى

+مرة كلب فقد الذاكرة ماشى فى الشارع بيقول صوصو...لا نونو.....لا .....

+مرة دكتور تحليل امة ماتت قال تحاليلي ياما

+واحد بلدياتنا اشتري راديو حط فيه حجرين المذيع اتسطل

+بلدياتنا الصغير بيسأل أبوه : ليه يابا ربنا خلج لنا الودان فرد الأب : علشان نعرف العمة بتاعتنا ها تجف لحد فين

+مرة واحد لبّان ابنه دخل المدرسة... قعد اسبوعين وقطع

+واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة0

+مرة ولد سأل ابوه هل الحب اعمي يا بابا قاله بص في وش امك و انت تعرف

+مره واحد بخيل اوى بعت ابنه يشترى له بعشره صاغ جبنه .....راح الواد ورجع بعد شويه وقاله بابا البقال بيقولك تعال الحس السكينه

+بخيل صحى من النوم قال لمراته أنا حلمت إنى اشتريت للأولاد 3 كيلو موز و2 كيلو تفاح قالت له يا راجل ليه التبذير ده قال لها اسكتى خلى العيال تاكل

+فرخة استحمت بهد اند شولدر باضد بيضة من غير اشرة

+مره واحد مسطول بييصطاد سمك بالحشيش طلعتله سمكه بتقول : انا تمساااااااااح

+بلديات قال لصاحبه .. بالي مشغول من امبارح قاله يمكن حد رافع السماعه

+مرة استاد سأل طالب في اي فصل يسقط المطر فال له في الفصل اللى مالهوش سقف

+واحدة بخيلة بعتت ابنها يشترىتلاتة ارغفة لما جه قالتله رجع رغيف ابوك مات

+مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا

+فار محشش قال : كل القطط تحت جزمتى لقى وراه قط اسود قال الا ابو سمره حبيبى

+مرة كان في ماتش بين فريقين حشرات في الشوط الاول في فريق انهزم واحد صفر و الشوط الثاني نزلت أم أربعه و اربعين دخلت 42 هدف بعد الماتش صحفي بيسأل المدرب اللي فاز :ليه مانزلتش أم أربعه و أربعين من أول الماتش ٌقاله:كانت بتربط الجزمة

+واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط

+عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟

+عشرة صعايدة بيتعلموا ربط الكرافتات تسعة ماتوا وواحد فى حالة حرجة

+ست وبنتها ساكنين فى الدور الاخير .. فالبنت نزلت على السلالم ، وبعد كده السلالك كلها اتكسرت ، فتعمل ايه عشان تطلع تانى ؟؟؟؟؟؟؟ .......... على راى المثل اقلب القدره على فمها "تطلع" البنت لأمها

+واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر

+مرة اتنين مساطيل قاعدين فالاول بيقول للتاني هو النهاردة السبت ولا الاحد قام التاني قائل له لا الاتنين ....قام الاول قاله.... جايين مع بعض

+مرة جاموسة جلها جفاف جابت لبن بودرة

+مره واحد لبان أشترى عمارة (ملك) مراته راحت تلم القشطة من علي السطح

+لية السمك بيخاف من الجنية....؟! علشان الجنية فية 100 قرش

+مرة واحد بلدياتنا زار الهرم ,فقال يابوى كل دى حتت جبنه نستن

+اتنين صيادلة قابلوا بعض الأول بيقول للتانى يامرهم فينك بنسلين ماشفنكش رد التانى قل له أهى تينيا

+بخــيل وقع فى حفرة ، فتجمع عليه الناس علشان يساعدونه ... المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احنا قاعدين نقوله هات ايدك هات يدك وهو رافض، قال بسيطه ، راح عند البخيل وقال له خذ ايدي ................فطلع البخيل

+مرة واحد كهربائى اجوز واحدة اسمها نجفة ، كل ما ييجى يبوسها يقف على لوح خشب

+مره واحد بيحشش بيقول لصحبه امبارح جيت اسحب نفس قالوا لى ملكش رصيد

+اتنين سكرانين ماشيين فى الشارع لقو عمود نور.. واحد قعد يخبط عليه فصاحبه قاله دة باين مافيش حد.. قاله إزاى ده النور منور

+واحد بلدينا بيسال اخوه تعرف مبنى التجارة الدولى اللى فى نيويورك اتهدم ليه رد علية ليه قالوا اصله كان على ارض زراعية

+السعودية إ تبرعت للصومال بشحنة أدويه ، فرجعتلها تانى ليه؟؟؟؟؟؟؟؟؟؟ ؟ لانها كلها بعد الاكل

+مرة واحد فرعونى حب واحدة فرعونية قال لها: (آمون فيك

+مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين

+فى يوم الاستاذ كنتاكى ومراته نزلوا البحر و مبيعرفوش العوم ، ... كنتاكى "ماك" لكن مراته "ناجتس

+سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه

+واحد سكران فتح التلاجه وبص للجلي ...وجده بيرتعش :قالوه متخفش هاخد عصير

+مرة فار سكران على الاخر شافة قط جعان جرى وراة فعدت عربية بسرعة فرمت القط.. والفار اغم علية ولما فاق وشاف القط مفروم قال (يووة هو انا كل ما اسكر اعملى مصيبة

+واحد بلدياتنا فى المصيف إتصور بمايوه و بعت صورته البلد بعتوله هدومه

+واحد سأل صاحبه .. ايه السبب الرئيسى للطلاق ؟ قاله الزواج

+مرة واحد ماذون مش لاقي شغل طلق مراتة

+نجار مراته تغسل الغسيل وهو ينشره

+واحدبلدياتنا سافر فرنسا بعت جواب لابوه بيقوله فرنسا حلوه يابويى فرنسا جميله قوى يا بويى ابوه بعتله جواب قاله اتجدعن وانا اجوزها لك

+مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا

+واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطة - صاحب المطعم : ماعنديش سلطة قوطة اعمله من غير سلطة طحينة؟؟؟

+نذل اتصل على برنامج أغانى ، و طلب اغنية بابا فين ، و اهداها لكل أيتام العالم

+هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه

+مرواحد كهربائى سخن ركبولو طرنس

+قمة الهدوء انك تسمع شريط فاضى وقمة الرخامة انك تقلب الشريط وقمة التناحة انك تعيد حتة عجبتك

+ليه بلدياتنا لما بيشتري بيت بيدلق لبن عليه؟؟؟؟؟؟؟ ؟ عشان يبقي بيت ملك

+مره واحد مسطول ماشي مع حبيبته في نص الليل فاشفت ابوها فقالت يالهوي بابا بابا فقالها ماتخافيش قوليلوا اخوكي

+مره واحد بلدياتنادخل حمام افرنجي اخد معاه مترجم

+واحد بيقول لمراته تيجي نعمل جمعيه.اديكى كل يوم بوسه واديكى جنيه !قالتله ماشى. جه على اخر الشهر لقى معاها تسعين جنيه.قالها ايه ياوليه انا مشبديكى كل يوم بوسه وجنيه.قالتله ماتسكت مش ابو هيثم جارنا دخل بنفرين

+أصلع مشكلته إنه مش عارف يعبر عن شعوره

+واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى!!!!

+مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق

+دكتورة اسنان راحة ترفع قضيه على جوزها فالقاضى قال لها نخلعه؟ قلتلوا لأ لخلخه الاول لما نشوف هيعمل ايه

+محشش نائم جت امه تصحيه في الصباح قالت قوم يا ولدي الشمس طلعت قال دخليها وقفلي الباب

+واحد لقى صاحبه بيجرى قاله بتجرى لية؟ قاله أصل مراتى بتتوحم على ترمس وأنا خايف للواد تطلعلوا ترمساية فى وشة.... فرد عليه متخفش ، مـأنا أمى كانت بتتوحم على أسطوانة وأبويا مجبهاش... جرالى حاجه.... ,جرالى حاجه......,جرالى حاجه

+المريض: يا ترى يا دكتور أنا ممكن أعيش لحد ما يبقى عندي 100 سنة؟ الطبيب: أنت بتدخن أو بتشرب أو بتتعاطى؟ المريض: لأ أبداً، عمري ما دخنت سيجارة أو كأس ولا حتى شديت نفس من شيشة... الطبيب: بتلعب قمار؟ المريض: لأ، ولا حتى كوتشينة ولا دومينو ولا شطرنج .... الطبيب: بتسهر قدام التلفزيون أو الفيديو أو الدش؟ المريض: ولا بفتحهم من أساسه.... الطبيب: ولا بتسهر على القهوة؟ المريض: ولا عمري عتبتها برجلي... الطبيب: بترهق صحتك ونظرك بالقراءة كتير؟ المريض: بالعكس، أنا أطيق العمى ولا أطيقش الكتب... الطبيب: طيب بتقعد كتير قدام الكمبيوتر أو الأنترنت؟ المريض: كمبيوتر؟ أشوف إيه؟ .... الطبيب: طيب بتسافر على طرق خطر أو بتسوق كتير؟ المريض: أنا لا عندي عربية ولا بأسافر من أصله..... الطبيب: طيب بتلعب أي رياضة عنيفة أو مرهقة؟ >المريض: ولا عمري عتبت نادي، وما لعبتش حاجة من أيام ثانوي.... الطبيب: أمال عايز مية سنة تهبب فيهم إيه

+واحد اتجوز واحدة اسمها نعمة باسها وش و دهر

+الزوجه: لقد رأيت جارنا يقبل زوجته كل اليوم صباحا ، لماذا لاتفعل مثله ؟...الزوج: هل تعتقدين ان جارتنا سوف توافق

+واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى

+مرو واحد سماك ابنه مات قعد يعيط فى الجنازة بيقول كان صاحى وبيلعب

+بلدياتنا نزل البحر و كان فية سحب جامد .... كسب تلاجة

+اتنين حشاشين بيلعبو كورة واحد شاط و التاني اتحرق

+محشش يسأل محشش تتوقع الجمعة يوافق آخر الشهر ؟ رد لو ضغطنا عليه يمكن يوافق

+اتنين بلدياتنا بيلعبوا شطرنج واحد اكل لواحد الفيل التاني قام سم له البهايم

+نجار مسطول قاعد يصلح الترابيزه عشان ملخلخة قام مطلع العده بتاعته وكيس المسامير.مسك مسمار لسه جاى يثبته راح المسمار وقع.... قاله النجار اطلع احسنلك مطلعش ، قاله بقولك اطلع مطلعش قاله ماشى....راح ماسك كيس المسامير ورمى المسامير فى الارض و قالهم..... هاتوه

+طفل اتولد و ظل 5 سنين لا يتكلم, اول كلمة قالها(خالي)بعدها بيوم خاله مات ومر اسبوع و اتكلم الولد مرة ثانية و قال اخويا بعدها بيوم اخوه مات ومر اسبوع آخر والولد قال بابا فكتب الاب وصيته بعدها بيوم جارهم مات

+واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

+مره واحد أحول بيعاكس وحده حوله بيقولها أحلى وحده فيكوا الليملشيه فى النص أدورت و قالتلوا والله انت شباب أوللات الأدب

+مره واحد احول عنده ولد احول . الراجل بيشوف اى حاجه اربعه و ابنه بيشوف اى حاجه اتنين دخل الولد على ابوه الصالون و قاله :بابا اجيبلك شاى انت و عمى قاله الاب : لا ..و خد اخواتك و اطلع بره

+اثنين مبسوطين قوى قاعدين يعملوا دماغ قدام المراية فواحد منهم قال للتاني شايف الاتنين اللي قاعدين قدمنا دول ؟ قالوا ايوة قالوا دول بيعملوا زيينا بالظبط ، فقام قاله طب ما تيجي نروح لهم...... وهما جايين يقوموا فواحد منهم قال للتاني استني..هما اللى جايين خلاص

+واحد طويل قوى قوى .. أكل فول ، فالفول حمض قبل ما يوصل لبطنه

+بلدياتنا فتحوا محل بيتزا .....سموه بيتزا هعععععععععععع

+سباك راح فرح حلف ماحد ينقط

+واحد بلدياتنا اشترى مكيف ولما جه يركبه فى الحيطه ركبه بالمشقلب وبعدين جه شغله قال أوففففففف أوفففف الله يكون فى عون اللى بره

+تنين مساطيل قاعدين يحششوا ...فمرت جنازة فواحد بيقول للتاني هي جنازة مين دي يا مدحت؟ فرد علية دي جنازة عمّ محروس فقال الاولانى الله يرحمه ، وتاني يوم وهما قاعدين في نفس المكان مرت جنازة فنفس الشخص سال هي جنازة مين دي يا مدحت ؟ فرد عليه دي جنازة عمّ محروس فقال الله برحمه ، وتالت يوم وهما قاعدين في نفس المكان مرت جنازة فنفس الشخص سال هي جنازة مين دى ؟ قاله دي جنازة عمّ محروس فقاله: هي الدنيا ملطشة معاه كدة لية
+واحد محشش وقع من الدور الرابع لما اتلمو عليه الناس بيقولو له ايه في ايه ؟؟ قال لهم ولا اعرف اصلي لسا واصل
طبيب نفسى اشترى ساعة سيكو عالجها بالصدمات

مسطول بيقول لصاحبه : يا أخى أمبارح دخلت فيلم هندى هايل بتاع راجل و ست ماشيين لقوا طفله فى اللفه خدوها و ربوها لغايه ما كبرت وفى الاخر طلعت أمهم
*******
محشش سأل محشش: في رأيك عيد الفطر هيوافق يوم الخميس. فرد عليه: إذا ضغطنا عليه أكيد يوافق.
*******
مذيعة بتسأل واحد حشاش : "تحب تسمع إيه بمناسبة شهر رمضان الكريم؟"

قال لها : "رجب.. حوش صاحبك عني"

*******
*******

نكت مصرية طويلة حبتين :
رجل نساى اوى ذهب للحج وعند رمى الجمارات سال نفسه انا رميت اتنين ولا تلاته فاعاد رميهم مره اخرى

ثم ذهب للطواف فسال نفسه مره اخرى لفيت سته وله سبعه فاعاد الطواف

وعند نزوله من الطائره سال نفسه كنت بتعمل ايه يا جورج؟؟


******

نكت مصرية


مره واحد بيقول لواحد صاحبه اسكت مش انا حماتى ماتت امبارح قاله لا حول الله يا

رب ماتت ازاى الست دى

قاله وانا واقف معاها فى البلكونه وقعت من الدور الخامس

قاله لا حول الله يا رب دى موته وحشه قوى

قاله لا ماهى ماوقعتش على الارض قاله

امال ماتت ازاى قاله وقعت على سلك الكهرباء

قاله يا ساتر يارب دى موته وحشه قوى ماتت من الكهرباء طبعا

قاله لا يا عم ماهى الكهرباء كانت مقطوعه

قاله امال ماتت ازاى بس

قاله اصل السلك نطرها فى حمام السباحه

قاله لا اله الا الله ماتت غرقانه

قاله بس يا عم اعوز بالله ماهو اول ما نزلت فى الميه الطشه رفعتها على منط الحمام وطلعت عندى فى البلكونه تانى

قاله امال انت بتقول ماتت ازاى

قاله اصلى لما زهقت قمت خانقها بس بقه يا عم

******

اسد قالولو حنسفرك السعودية .. الاسد فرح جدا وقالك بقى دى بلد اللحمة والفتة وحنعيش
الاسد وصل السعودية وفى اول يوم مستنى الغدا الحارس رمالوا موزة .. الاسد استغرب قوى وسكت.
تانى يوم فى الغدا الحارس بردوا قطعلوا موزة ورمهالوا .. الاسد قال ايه العبط ده .. وراح ماسك الحارس وقاله انا ايه؟ قاله اسد .. والاسد بياكل ايه؟ قاله لحمة .. قاله طب ايه الموز ده .. الحارس قاله: 'ماهو انت داخل السعودية بتاشيرة قرد

*****
نكت مصرية

كان فيه مرة واحد ماعندوش في راسه غير 3 شعرات بس راح للحلاق

فقال للحلاق افرقلي من الجنب

الحلاق جه يفرق من الجنب اتقطعت شعرة

قاله خلاص افرقلي من النص

الحلاق جه يفرق من النص اتقطعت شعرة

فالحلاق قاله ما بقاش فاضل غير شعرة واحدة

قاله انكشها

*****
نكت مصرية :

مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن وتعرف ايه اللي جوه الدولاب.

وفي يوم راح الشغل ونسي المفتاح.

مراته فتحت الدولاب لقت 20 الف جنيه وبيضتين.

لما رجع سالته ايه حكاية البيضتين قالها بصراحه كنت كل ماخونك أحط بيضة في الدولاب

الست قالت عشرين سنه جواز ومرتين بس مش مهم وسالته طب والعشرين الف جنيه

قالها كنت كل ماجمع كرتونه بيض ابيعها


******

قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى

فارسلت لهم الاوقاف شيخا آخر وحذرته من الاطالة.

وصل الامام الجديد فدخل المسجد وصعد المنبر وحيّا المصلين وسأل:

اتعرفون قصة سيدنا يوسف عليه السلام؟

فرد المصلون كلهم: نعم .

فنظر الامام الى المؤذن وقال: اقم الصلاة.

ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟

فرد المصلون : نعم.

فقال لهم : ماتجوش الجمعة الجايـــة


ما هو الشي الذي له أكثر من جناح ولا يطير؟ الحل : الفندق

واحد رخم قرصه ثعبان قعد يضحك يضحك الثعبان قاله مالك بتضحك ليه دانا قرصتك قاله اصلي أنا عندي الايدز

خبيث دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الخبيث قرش من جيبه ورماه فوق ال( 12) قرش وقال للجرسون كمان واحد فول لو سمحت
(حلوة خبيث دي) اوعى الاستخبس

الجاية دي اللي حلوة لو عاوز تغلس فعلا على نفسك متقراهاش :
كان في جماعة عمال بيبنوا كنيسة و عمالين يقولوا
هيلا هيلا صلي ع النبي
جالهم القسيس قالهم ايه ده ماحدش يقول كده خالص
راح واحد منهم كتب على الحيطة (صلي ع النبي) و قال
هيلا هيلا بص ع الحيطة

ركز شوية فالنكتة دي :
واحد سوداني بيسأل واحد صاحبه
هما ليه سموا السودان بالاسم ده؟
قاله عشان احنا سود
قاله طب الحمد لله اننا مش بيض و الا كانوا سمونــا ..... حاجة تانية

واحد داست عليه عربية سيات مات م الضحك




مرة أربعة بلدياتنا راحوا فرح

الأول:- نقط بخمسة جنيه و ضرب طلقة رصاص

الثانى:- نقط بعشرة جنيه و ضرب طلقتين

الثالث:- نقط بخمستاشر جنيه و ضرب 3 طلقات

أبوهم الراجل الكبير بقى عايز يعمل منظر راح منقط بـ ميت جنيه و رمي قنبلة!!!







مرة واحد بلدياتنا واقف في الشارع و بيتكلم في المحمول و عمال يزعق و يقول: بس دوري تاني ، دوري كويس.

قام واحد معدي في الشارع جه قال له: في إيه

قام بلدياتنا قال له: طلبت رقم قامت طلعتلي ست عمالة تقول

(الرقم الذي طلبته غير موجود في الخدمة)!!!!





بلدياتنا و امريكى و يابانى عرضوهم على جهاز كشف الكذب

اليابانى: إحنا بنفكر نعمل انسان آلى و نستغنى عن البشر ، راح الجهاز ضربه..

الامريكى: احنا بنفكر نطلع المريخ و نعمل مستوطنات عليه، راح الجهاز ضربه..

بلدياتنا: إحنا (بنفكر) ولسه مكملش ،،،،،،،،،،راح الجهاز ضربه!!







مرة كان في واحد بلدياتنا ابنه تعب

وداه للدكتور وبعدين خرج الدكتور وقاله ابنك مات.....

ابنه: بابا انا عايش ما موتش....

بلدياتنا: اسكت انت.. يعنى هتفهم اكتر من الدكتور





مرة واحد بلدياتنا دخل مطعم بيتزا الرجل جابلة البيتزا قاله تحب نقطعها علي 8

قطع ولا 16 قطعة.. قاله لا 8 قطع علشان ما اقدرش اكل ال 16



جماعة بلديتنا حبوا يعملوه مزرعة فراخ مرة زرعوا الفراخ بمنقارها الفراخ ماتت

المرة التانية زرعوها برجليها الفراخ برضه ماتت قاموا بعتوا لقريبهم العالم

فى بلاد برة فقالهم: ابعتولي عينة من التربه احللها





مرة واحد موظف ماشى الصبح رايح شغلة وهو ماشي شاف جماعة بلدياتنا واقفين فوق

كوبري قصر النيل مهيصين و بيسقفو و بيصفروا ويرقصوا ويهللوا وينادوا هاريدي

هاريدي هاريدي، تاني يوم شاف الموظف نفس الحكاية، ثالث يوم شاف نفس الحكاية

فراح يسأل حد من الجماعة دية ونبي يا بالادينا شايفكوا بتسقافوا و مهياصين

على الأخر هو في أية قالوا أحسن غطاس عنديكم بيجعد جد اية تحت المية قالوا

ثلاث دقائق قالوا هريدي ولد عمي !!!! بجالوا تلات تيام في المية ومطلعش!!!





بلادينا بيقول لبلادينا (أنا تعبان من الروماتزم) رد عليه وقاله (أنا جرجاوي من فرشوط)







مرة واحد طيار اسمه هريدى كان فى رحلة و بعدين فجأة المحرك اليمين بتاع الطيارة عطل..

فنبه على الركاب و قاللهم كابتن هريدى يحيكم و يبلغكم ان المحرك الأيمن توقف و لا داعى للقلق.

بعد شويه الركاب سمعوا كابتن هريدى بيقول:

كابتن هريدى يحييكم و يبلغكم أن المحرك الأيسر للطائرة قد توقف و لا داعى للقلق.

بعد شويه الركاب سمعوا كابتن هريدى بيقول:

كابتن هريدى يحييكم من البراشوت و يتمنى لكم رحلة سعيده





واحد بلدينا اشترى موبايل، ركبله جهاز اظهار رقم الطالب!!!!









واحد بلديتنا سافر بره بعتوله برقيه ارجع فورا يوجد امر خطير رجع على اول

طياره قابل اخوه الكبير فى المطار تعبان وحالته حاله ودقنه طويله قاله فى ايه

طمنى ابويا جراله حاجه راح مطبطب عليه وخده فى حضنه وركبوا العربيه لقا اخوه

الثانى فى السياره تعبان وحالته حاله ودقنه طويله قاله فى ايه طمنى ابويا

جراله حاجه راح مطبطب عليه وخده فى حضنه سافروا لقا اخوه الثالث على باب

البيت تعبان وحالته حاله ودقنه طويله قاله فى ايه طمنى ابويا جراله حاجه راح

مطبطب عليه وخده فى حضنه دخل على ابوه فى السرير لقاه نائم تعبان وحالته حاله

ودقنه طويله قاله فى ايه طمنى يا ابويه انت كويس رد عليا راح ابوه قاله يا

حسنين وديت ماكينه الحلاقه فين





بلدياتنا دخل صالون حلاقة و لما الزباين مشيت الحلاق قال له تعالى احلق لك

فقاله بلدياتنا انا مش جاى احلق.... قاله: امال اية.......... قال انا جاى

اسال عن البيه اللى ساكن فوق.. الست قالت لي اقعد فى الصالون لغايه ما البيه يجى





بلديتنا شاف فى الجرايد حادثه واحد فى امريكا قتل مراته ودفنها تحت السرير

والبوليس الأمريكى لم يكتشف ذلك الا بعد 25 سنه قام قال لنفسه يبقى انا لو

عملت كده البوليس عندنا مش حيكتشف ابداً راح فعلاً قاتل مراته وحفر تحت

السرير وحطها مفيش ربع ساعه والبوليس قبض عليه فتعجب قوى وسأل الظابط انتم

ازاى كشفتم الجريمه بسرعه قوى كده ده فى امريكا ماكتشفوهاش الا بعد 25 سنه رد

عليه الظابط اصل فى امريكا الراجل كان ساكن فى الدور الأرضى وأنت ساكن فى

الدور الخامس



مرة بلدياتنا قعدوا يغسلوا الحيطان بالمياه لحد ما واحد مسكت فيه الكهرباء.

قعد أصحابه يشدوه و يضربوه علشان يبعد عن الحيطة ما عرفوش. لحد ما

ودوه المستشفى و لكنه مات. ......تقرير الطبيب الشرعي: سبب الوفاة ضرب أفضى

إلى موت





واحد بلدياتنا دخل بار، فجلس بجوار جيمس بوند، فقال له: عايزين نتعرف، اسمك

الكريم إيه؟

قال له: (بوند, جيمس بوند)..أند يو؟

رد عليه بلدياتنا و قال له: (دان, حمدان)



واحد معدى لقى ناس بتهيص قوى قالولهم فية ايه

قالوله فى واحد بلدياتناعايز ينط من سطح العمارة

قالهم خلاص انا طالعلة...

طلعلة وقاله عايز تنتحر لية...

بلدياتنا قاله اصل انا غبى وكل الناس بتقول علي غبى

راح الراجل قايله هاقولك فزوره لو حلتها ماتبقاش غبى

حاجة اسمها زى شكلها

بلدياتنا : ماخبرش

الراجل:البيضة.. اقولك واحدة تانية

حاجتين اسمهم زى شكلهم

بلدياتنا :ماخبرش

الراجل: بيضتين.. اقولك واحدة تانية بسيطه و سهله

حاجة كبيرة وسودة وبتجيب لبن واسمها جموسة

بلدياتنا 3 بيضات

راح الراجل ماسكه وراميه





مرة الجماعة بلدياتناعملوا اجتماع يناقشوا فيه تأخرهم العلمي.

فقام واحد بيقول : أمريكا طلعت القمر قبلنا واحنا قاعدين

قام رد عليه واحد: خلاص احنا

لازم نطلع الشمس.

فقالوا: احنا كدة هنسيح

رد عليه: يا غبي احنا هانطلعها بالليل.





تلغراف جه لهريدى من البلد مكتوب فيه : مراتك خلفت والجاموسة خلفت .احضر فورا

للتعرف على المولود



مرة اثنين بلدياتنابيلعبوا.. شطرنج .الملك مات بالسكتة القلبية





واحد أشترى عربية بالكمبيوتر فلما عدى التسعين قال الكمبيوتر "بعد التسعين

تعمل حادثة..احذر. "ففرح الراجل وفضل يزود فى السرعة والكمبيوتر يحذره لغايه

ما وصل إلى 180. كيلو فصاح الكمبيوتر"يخرب بيتك نزلني هنا"


صاحب شركة كادليز دخل فى قضيه خرجوه بكافوله
مرة فار سكران على الاخر شافة قط جعان قعد يجرى وراة فعدت عربية بسرعة
فرمت القط.. والفار اغمى علية ولما فاق وشاف القط مفروم قال (يووة هو انا كل
ما اسكر اعملى مصيبة)
حكم كوره أعد على قهوه...طلب واحدصفر
واحد سباك نفسه اتسدت غرقت الشقة
واحد صعيدى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر
تلاته خرجوا فرحلة سفاري..واحد مصري والتاني صومالي والتالت أمريكاني..دخلوا كهف وناموا..وصحيوا بعد 300سنة!..كل واحد فيهم قام رجع بلدة..
الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي)
الأمريكي شغل الراديو سمع: (سيدافع الجيش الأمريكي عن البلاد لآخر جندي!)
المصري شغل الراديو سمع: (إخترناه..وبايعناه...وعشان كده احنا اخترناااااااااااااااااااه!)
واحد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع!
تلاتة ركبوا طيارة ...واحد صعيدي و واحد فرنساوي و واحد امريكاني
جت المضيفة :"تشرب ايه يا فندم" رد الامريكاني قالها اشرب مانجة يا مانجا
و رد الافرنساوي اشرب فراولة يا فراولة
و رد الصعيدي اشرب لبن يا داموسة!!!!!!
مرة ممثل كبير جاله دور برد , رفضه !!
مرة مذيعة عملت عملية في ظهرها...شالولها فقرة ..و حطوا برنامج !!
مرة واحد حشاش بيعلب كورة اخد الكورة على صدرة طلعها من منخيرة
ما الفرق بين التليفزيون والغسالة.. ؟؟؟؟؟؟مفيش فرق الاثنين بيستعملوا اريال ..
ما الفرق بين الزواج والكولونيا؟
الزواج .... قسمة ونصيب
الكولونيا .... قسمة والشبراويشي
ما الفرق بين المرسيدس والتعويرة؟
المرسيدس .... ألماني
والتعويرة ...... ألماني جداً
واحد حانوتي ربنا فتحها عليه و فتح محل فكهاني..كل يوم في المحل يقعد ينادي :
المووووووز علينا حق !!!
اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم
بيقولك مره واحده حامل ابنها بيقول لها: ايه اللي في بطنك ده يا ماما ؟
قالتله: ده ابني وبحبه قوي
قالها: لما هو ابنك وبتحبيه اكلتيه ليه ؟
واحد من الشام راح لبنان و دخل علي محل مستحضرات تجميل و سأل البائع
الشامي: بدي ( لبنان بو)
البائع: شو ؟؟؟؟!!
الشامي : بدي لبنان بو
البائع: شو ها اللبنان بو
الشامي : مبتعرف شو اللبنان بو!!!
البائع: لا خيي مبعرف
الشامي : غريبة عندنا بالشام في ( شام بو)!!!!!
سالوا سائق: مين المطربين المفضلين عندك ؟؟؟ قال : مايكل داتسون ، مازدا الرومي ، اسكودا الشمالي.
مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق
طلب مدرس من تلميذغني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء!!!!
مره واحد بلديات أخد 8986 قفا علي سهوه
اية اللى اصغر من الحشرة.................التسحة
مرة واحد حاتط راسة فى بلاعة , صاحبه بيقول له بتعمل اية , فرد عليه : بفكر بعمق
مرة واحد بلديات نام بالمقلوب صحى لقى رجلو معمصة
مره واحد بلديتنا اشتغل فى الكويت بعد سنه بعت لاهله فلوس ودسته جاتوه بعد اسبوع اهلوا بعتوله جواب بيقولولوا اهلك يبسلموا عليك نفر نفر وبيقلولك الصابون الى انت باعته بيوسخ الهدوم
صعيدى شاف أمه محروقه والنار طالعه منها قالها
منوره يا حاجه
مسطول بيسأل مسطول الساعه كام؟ قاله معرفش، قاله غريبه أنا عندي معرفش إلا خمسه
واحد راح يعزى رجع من العزا, مراته بتقوله عزيت؟؟ قالها لأ ع السمنة
واحد كمسري بيقول لابنه تذاااااااكـــــــــــــــــــــــر ............. تنجح
ايه أسرع ثلاث وسائل للاتصالات؟
Telephone
Television
Tell -a- Woman
مرة واحد بلديتنا خرج من محطة مصر لقا بتاع الانابيب بيخبط قلوة افتحلى وحدة بس تكون سقعة
واحد بيقول لخطيبته لما ازمرلك انزلى قالتله هو انت اشتريت عربيه قاللها لأ اشتريت زماره
واحد هو وابنة مش عارفين ايه هو الاسنسير , كل شوية يشوفوا الحيطة بتفتح و بتقفل ,المهم شافوا ست عجوزرة دخلت جواه وداست على الزر وطلعت بعد شوية نزل الاسنسير واتفتح خرجت منة شابة جميلة ..فقال لابنه :روح هات امك هنا
واحد بلدياتنا اتعزم فى حفلة تنكرية قام غسل وشه
ومرة مدرس بيسأل تلميذ
المدرس: الثعلب يا حبيبى بيبض ولا بيولد
التلميذ: أصل التعلب ده يا استاذ مكار وممكن يعمل أي حاجة
واحد بيسأل خطيبته : حد قبلى لمسك ؟ سكتت
قالها : زعلتى
قالت له : بأعدهم
صعيدي سألوه ماهو السيفون؟؟
قال:صندوق بحبل لما تشده يا تلحق تشرب يا متلحقش.
واحد بيسأل التاني هو اللي مات الحريري والا رفيقه.
مره واحد صعيدى قابل واحده اجنبيه
سالها : انتى منين
قالتله: وات؟what?
قالها: اجدع ناس الوتاوته
مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل
بلدياتنا مراته ولدت بنت الساعه 3 بعد نص الليل ...دبحها وجال ماعنديش بنات تيجى آخر الليل
واحد صعيدى قال لابوه انا عاوز موبايل ابوه قاله موافق بس بشرط تركب اخواتك معاك
مره واحد سواق قلبه وقف نزل يزقه
مرةواحد صيعيدي راح محل جتوه قال للراجل عنداك جتوة قاله ايوه قاله طب اديني قفصين
واحد بتاع موبيلات نظره ضعف فراح لدكتور العيون ...كشف عليه وقاله :نظرك ضعف بقى ستة ستمية
صعايدة بيكتبوا محاضرة مع الدكتور كل ما يمسح السبورة يقطعوا الورقة
صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف مين
مره واحد بيقول لمراته اعملى حسابك هنتغدى بره جه من الشغل لقاها حطه الاكل فى الشارع
مسطول راح المحكمة
القاضى بيسأله انت متجوز مين؟
قاله:متجوز واحدة ست
القاضى قاله انت هتهرج؟
أمال فى حد بيتجوز راجل؟
قاله:اه اختى
واحد باشا دار عليه الزمن وافتقر حب يشتغل
إشتغل بياع فجل وجرجير
طول النهار واقف فى السوق ولابس طربوش وبينادي:
فجل يا حوش .. جرجير يا كلاب
حشاش بيقول لصاحبه:
انا حلمت امبارح أننا بقينا فنانين
.. أنت فنان تشكيلي ..... وأنا فنان أشكيلك




- واحد صعيدى بيهرش تحت باطة لقا
كلبة ولدة

- الشمس غايبة عن الكويت بقالها شهر "تعرف ليه"؟؟؟
نبيل شعيل ناشر جلبيته


- كان فى مرة واحد صاحب مزرعة جزر وكان بجانبه واحد صاحب مزرعة ارانب كان كل يوم يجى صاحب مزرعة الجزر
يلاقى الارانب اكلوه الجزر بتاعوه كل يوم كل يوم لحد مازهق وقرر ان هوه يروح عند مزرعة الارانب وبعد كده راح عند الارانب وجاب شاكوش وكسرلهوم كل اسنانهم جاه تانى يوم الصبح لقى الجزر بتاعوه بردوه حد اكلوه راح عند الارانب ومسك واحد فيهم وقالوه :واديتوه الجزر فين قالوه الارنوب :عملنا عثير وثربناه


في فيلم هندي جديد*إثنين يلاقو بنت صغيرة ... خدوها ... ربوها ... وفى الاخرتطلع أمهم

- في واحد محشش سأله واحد سكران إيه أسامي إخواتك قال له كلهم محمد إلا خالد اسمه فيصل.

- في واحد محشش سأله واحد سكران إيه أسامي إخواتك قال له كلهم محمد إلا خالد اسمه فيصل.



مرة واحد بيسئل صحبة على عشرة جنية سلف
رد علية صحبة وقلة شايف الشارع دة قلة اها هتلاقى اربع حوارى اول حارة سيبها تانى حارة سيبها تالت حارة سيبها رابع حارة ادخلها هتلاقى اربع تقطاعات اول تقاطع سيبوة تانى تقاطع سيبوا تالت تقاطع سيبوة رابع تقاطع ادخلة هتلاقى اربع بيوت اول بيت سيبوا تانى بيت سيبوا تالت بيت سيبوا رابع بيت ادخلة هتلاقى اربع شقق اول شقة سيبها تانى شققة سيبها تالت شقة سيبها رابع شقة ادخلها هتلاقى اربع غرف اول غرفة سيبها تانى غرفة سيبها تالت غرفة سييبها رابع غرفة ادخلها هتلاقى اربع مكاتب اول مكتب سيبوا تانى مكتب سييبوا تالت مكتب سيبوا رابع مكتب افتحة هتلاقى اربع ادراج اول درج سيبوا تانى درج سيبوا تالت درج سيبوا اع درج افتحة هتلاقى اربع تكياس اول كيس سيبوا تانى كيس سيبو تالت كيس سيبوا رابع كيس افتحوا هتلاقى لفتين
لفة فيها عيش ولفة فيها ملح

وحياة العيش والملح الى فى ايدك اانا مش معاية عشرة جنية




- واحد ميكانيكي فتح مصنع شيكولاتة سماه
كالاكسى

طرزان شاف مامته بتلف ورق عنب.... قال لها
كم مرة قلت لك متلعبييييش فى الشورت بتاعى



كل لما عم عوض الفلاح يعمل حاجه غبيه جداً ... فيه اثنينن يعملوا حاجه اغبى بكتييير
لحد ما عم عوض راح باني كوبري في الصحراء
تاني يوم لقاهم واقفين عليه وماسكين سناره وبيصتادوا

*****

اثنين مساطيل
الاول : ولع الراديو
الثاني : ماعييش كبريت
الاول : ولا ولاعه؟؟؟؟؟؟

*****
واحد حرامي قرر يتوب سرق شريطين لعمرو خالد

*****
الميكانيكي : الكاوتش ده ضرب ازاي ؟؟
الراجل : دست على ازازه
الميكانيكي : وما شوفتهاش ازاي وهي بتلمع في الشمس
الراجل : ما هو الراجل الحمار كان حاطتها في جيبه

*****
ليه السودانيين ايديهم بيضا من جوا ؟؟
عشان كانوا ساندين على الحيطة و هما بيرشوهم
*****

مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف

*****

واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط

*****
واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام
، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوزت الكمين





مرة صعيدى راح يكشف على ابنة الدكتور
غاب نصف ساعة و رجع قال لة البقية فى حياتك رجع الولد لابوة لآلآلآ يا با ه انا
ممتش قال له اتنيل على عينك هتفهم احسن من الدكتور.




_ مرة واحد بيحلم كل يوم بماتشات كتاكيت... راح للدكتور... فقاله هديلك
حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردةالماتش .النهائي .


-----------------------------------------
76-دكتور عيون قاعد مع خطيبته في حديقه الاسماك معاه ورده قالها شايفه
الورده دي يا حبيبتي قالت له ايوه فرجع ايده لورا شويه وقالها طب وكده
-----------------------------------------
77- في المدرسه استاذ الحساب بيسال التلميذ بتاعه: لو باباك استلف الف جنيه
من البنك والف جنيه تانيه من جاركم يبقى هيرجع كام الف
التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اعد يا ابني انت متعرفش حاجه في الحساب
التلميذ: انت اللي متعرفش ابويا
-----------------------------------------
78- واحد مسطول بيسأل واحد مسطول ثاني: اسم دولة أوروبية لو حطيت على
أخر حرف فيها نقطة تصير اسم عالم ذرة
التاني قاله أنا غلب حماري
الأول قاله: الدولة هي قطر ولما تحط نقطة حتصير قطز
التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟-

مرة اتنين صعايدة بيلعبو شطرنج الملك مات مشلول.
______________________________________________

مرة 5 صعايدة بيهزروا بالاسلحة مات منهم 3 فقال الاثنان المتبقيان بس يا عم لا تقلب بجد
______________________________________________

صعيدي قالوا له في الصين كل دقيقة ينولد واحد
قال : يسلام على التطور ياولد مش عندنا بعد 9 شهور
______________________________________________

صعيدي سافر و لما رجع ما حصلش أهله ليه؟؟؟؟؟؟؟ وزعوهم على النكت !!!!!!
______________________________________________

صعيدي احول اشترى دجاجة حولى مثلةجاء الصعيدي بيحط الدجاجة بالقفص حطها برا، الدجاجة تبي تنحاش دخلت القفص ......
______________________________________________

صعيدي ماسك واحد اسود وقاعد يغطسه ويطلعة بنهر النيل مر عليه واحد وقالة اييش يامعلم بتعمل كده ليه قال عاوز اعمل منو دعاية شاي لبتون .....
______________________________________________

صعيدي يوم نجح ولدة من اولى لثاني ابتدائي بدل مايشريله بلاي ستيشن شراله بندق علشان يلعب اتاري بالطيارات .....
______________________________________________

صعيدي حب يشرب سيجارة حطها بـكوب .....
______________________________________________

صعيدي فكر بعمق ..غرق .......
______________________________________________

واحد صعيدي راح البحرين لبس شورتين ....
______________________________________________

سأل الطبيب في مستشفى المجانين النزيل الجديد : ما أسمك ؟فأجاب المجنون : محروس . الطبيب : ما أسم أبيك ؟المجنون : محروس .الطبيب : ما أسم أخيك ؟المجنون : محروس أيضاً ... فكلنا في البيت اسمنا محروس ما عدا أخي حسنين .. فأسمه عتريس !!!!! :12:
______________________________________________

مصري يعبي انبوبة غاز قال لأمة ادعيلي - قالتله روح ربنا يفتحها بوشك
______________________________________________

اثنان صعايدة يلعبون الشطرنج فقال الأول : قتلتلك الحصان فأستأذنه الثاني بضع دقاق و عندما عاد اليه قال : سممتلك البهايم كلها
______________________________________________

اثنين صعايدة راحو محطة القطار ولقو القطار مروح لحقو وراه واحد فيهم لحقه وركب والثاني ماقدر وقعد يضحك ؟؟ الناس سالوه ليش تضحك قالهم الي ركب القطار هو المودع وانا المسافر
______________________________________________

واحدة صعيدية رماها زوجها من الدور الثالت طلعتله وقالتله بلاش الهزار التقيل ده
______________________________________________

واحد صعيدي عاوز يفجر نفسه بين اثنين اسرائيلين سوا بروفا قبل يوم
______________________________________________

واحد صعيدي اشترى لوح تلج لاءه بينقط راجعه تاني
______________________________________________

اثنين صعايده يلعبون شطرنج .. كيف انتهت اللعبه؟؟ الملك جتله جلطه من صراخهم (سامع يامعلم فري ، هذا انت وحزين )
______________________________________________

مرة واحد بقول لواحد صاحبه:الحق التعبان دخل اوضة حماتك - قاله سيبه يستاهل
______________________________________________

واحد صعيدي بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية
______________________________________________

مرة 10 صعايده بيلعبوا على الطريق الصحراوى واللي تخبطه العربية مرتين يطلع برة اللعبة
______________________________________________

واحد صعيدي بيلف علي اكشاك السجاير يقول للبياع بتعرف تتكلم انجليزي يقوله البياع....لا ....يروح لغيره ويكون نفس السؤال ونفس الاجابة لغاية اما وصل للكشك الاخير قاله بتعرف تتكلم انجليزي قاله ايوا قاله كويس قوي اديني علبة مارلبورو
______________________________________________

في قريه نزلت أمطار شديده وسيول. دخل الغفير مسرعا على العمدة وكان يزعق ويقول: يا جناب العمده..يا جناب العمده.. الميه دخلت بيوتنا. رد العمده:مبروك.. عقبال الكهربا







كيف تعرف البواب الصعيدي ....؟؟؟؟؟ يقوم بتنظيف المصعد في كل دور
__________________________

صعيدي سألوة أية رأيك في الزواج المبكر...؟؟؟؟ قال لهم في أي ساعة
__________________________

أية هو المكتوب علي قاع زجاجة المياه الغازيه في الصعيد...؟؟؟؟ مكتوب : الفتح
من الناحية الأخري.
__________________________

صعيدي لغي موعده مع الدكتور لأنة مريض
__________________________

مره واحد بلديتنا طوبه جت في صدره بص وراه
__________________________
واحد بلدياتنا عمل 2 إيميل، واحد دوت كوم للشتاء وواحد نص كوم للصيف
_______________________
مره واحد بلديتنا كان بيدق مسمار فى الحائط فالمسمار وقع منه فقال له :تعالى
فلم يجي, فقال له: تعالي فلم يجى. فراح بلديتنا رامي على المسمار شوية مسمامير
وقال: هاتوه.
_____________________
اربعه بلدياتنا بيلعبو علي الطريق السريع الي العربيه تخبطه مرتين يطلع بره
________________________
عشرين واحد من بلدياتنا غرقوا في غواصه ليه؟؟ سمكه خبطت عليهم!!
_______________________
واحد بلدياتنا عازم صحابه على السطح ليه؟ أصدقاء سطحيين
___________________
واحد بلدياتنا رجع من امريكا قاعد بيحكي لأبوه وأمه الحاجات الغريبة اللى
شافها .
- دانا شفت هناك واحد وقع من فوق عمارة طويييلة.. قعد ثلاث ايام لحد ما وصل
الأرض.
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت
_______________________
واحد بلدياتنا عنده ارق ومش عارف ينام....قال له صاحبه عندي لك طريقة للنوم
مؤكدة...عد من واحد الى خمس ميه... بلدياتنا مكدبش خبر... وأول ما الدنيا ليلت
راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...
جـاه النوم … قـام غـسـل وشه ورجــع للـسـريـر يـكـمـل الـعـد
____________________
بلدياتنا تاجروا في الموز خسروا علشان
بيرمو الموز المعوج
______________________
واحد بلدياتنا في مسابقة من سيربح المليون اتصل بصديق وقال له الو محمدين
معانا 30 ثانية رايك احذف اجابتين ولا استخدم الجمهور!
________________________
بلدياتنا مبيعرفشى يعوم وقع فى البحر مات محروق
____________________
واحد بلدياتنا وقع في خلاط الأسمنت طلع منه قال يخرب بيت الملاهي.
______________________
مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة
البقال نعم عندى فقال الطفل طيب بكام
_____________________
واحد بلدياتنا رجع من السفر لقى الشقة مليانه صراصير.. غير قفل الباب
_____________________
واحد بلدياتنا اشتري كمبيوتر... شال الماوس وحط جاموسة
___________________
بلدياتنا أول مرة يشوف واحد فلبيني قال يا بخته ده شبعان نوم
______________________
واحد بلدياتنا راح يتمشى جابوه من على الحدود
______________________
مرة واحد بلدياتنا عرف ان الجلد موضة مشى عريان
___________________
جماعة بلدياتنا عملوا أتوبيس بالعرض عشان يركبون كلهم قدام
____________
اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير
هناك ، دخلو قعدو جمب واحد فى الصوان بيدخن قال الاول : انفاس معدودة وقال
التانى : كلنا لها رد الراجل : محدش واخد منها حاجة
___________________
مره واحد بلدياتنا ركب دماغه عمل حادثه
_______________
مرة واحد بلدياتنا نزل في محطة الرمل رجلة غرزت
________________
واحد بلديتنا اتعزم على حفلة تنكرية بعت اخوه
___________________
واحد بلدياتنا دخل جنينة الحيوانات ودخل راسه في قفص الاسد، الحارس جري عليه
قاله انت بتعمل ايه، قاله ايه يابا يعني هناكله.
___________________
واحد بلديتنا كبر دماغه معرفش يخرجها من التيشرت





-----------------------------------------
79- مرة واحد متجوز عنده دولاب قافلة 20 سنة والمفتاح معاه هوه بس,
مراته هتجنن وفي يوم راح الشغل ونسي المفتاح.
مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيض في
الدولاب الست قالت عشرين سنه جواز ومرتين بس مش مهم وسالته طب
والعشرين الف جنيه
قالها كنت كل ماجمع كرتونه ابيعها
----------------------------------------- - واحد سنانه كلها طايرة ما عدا الانياب... قدم علي وظيفة عينوه خرامة
-----------------------------------------



مدرب يسأل لاعب محشش في كم مره تقدر تلف الملعب قاله في سجارتين


--------------------------------------------------------------------------------

محشش فتح محل غاز فجر اسطوانتين بنص البلد دعاية


--------------------------------------------------------------------------------

ثلاث محششين واحد منهم اعمى وواحد اعرج وواحد اصلع كانو يتمشون بالشارع مرة سيارة مسرعة قال الاصلع هزت شعري قال الاعمى سجلت رقم السيارة قال الاعرج لحقت صاحب السياره وضربتة


--------------------------------------------------------------------------------

دخل مطوع على محششين قالهم: حرام عليكم قالوا له:وعليكم الحرام ورحمة الله وبركاته


--------------------------------------------------------------------------------

في محشش يقول أنا أحب أنام بس ما أدري أنام يحبني ولا لإ


--------------------------------------------------------------------------------

محشش جاه أرق قال لصديقه: وشلون انام؟قال له :عد ل500 ويجيك النوم قام عد ولما وصل ل499 نعس قام غسل وجهه وكمل


--------------------------------------------------------------------------------

في محشش قاعد قدام ستارت غرفته ليه؟؟؟؟؟ يستنا المسرحيه تبدا ها ها ها ها


--------------------------------------------------------------------------------

في محشش طق على جيرانه قال : عندكم طماطم قالو : اي قال : حتى احنى ها ها ها


--------------------------------------------------------------------------------

في محشش صادوا الشرطه قالو :اركب السياره قالهم حلفت انا اسوق


--------------------------------------------------------------------------------

اثنين محششين الاول قال للثاني الشمس شرقت قاله شربها ماي







وحدة قاعدة عند التليفون جاتها اختها قالتلها: مالك مضايقة مين مزعلك؟ قالتلها
واحد قليل الادب زاعجنا كل يوم يتصل والنهاردة معرفش ليه متصلش لحد دلوقتي



جحا كان فى السوق حماره ضاع قعد يقول للناس لو مجبتوش حمارى هعمل زى ابويا لما ملقاش الحمار سألوه
ابوك عمل اه قالهم اشترى واحد تانى


مره واحد بلدياتنا سافر امريكا فراح يحجز فى فندق فراح مالقاش غرف فاضيه راح نام فى الحديقه العامه فطلع عليه
ثلاثة حرامي
الرجوع الى أعلى الصفحة اذهب الى الأسفل
Admin
Admin


عدد المساهمات: 50
تاريخ التسجيل: 10/02/2010
العمر: 18
الموقع: www.egyption.4umer.com

مُساهمةموضوع: رد: nokat masreya 100%   الأحد مارس 14, 2010 12:35 pm

والله نكت جميله جداااا وشكرااا لك على الموضوع الجميلل
الرجوع الى أعلى الصفحة اذهب الى الأسفل
http://egyption.4umer.com
 

nokat masreya 100%

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
egyptions :: -